平湖秋月 / 矇查查 / 賀年

陳浩德、方伊琪 - 平湖秋月
箏胡弦情金曲夜演唱會
作曲: 呂文成

（男）談情雖知說愛係要真心，你咪濫用情，
相親愛係要真心咪薄情。

（女）落了情網我要自醒，雙方心意要問明，
因為情神聖將情緣定，借得那紅絲結深情。

（男）我倆前緣定，真心真意共妹情似海恩愛熱情，
月老為媒做證，相愛相敬，效蝴蝶穿花徑。

（男）鴛鴦，鴛鴦，生死也相並，
願儂與妹心心相永，咁至係算多情，
纏綿久永，若妹你會移情就太不應。
你唔瞅，唔睬，唔應。

（女）哥呀我願，我願與哥相親，
（男）妹呀我願，我願與妹今生，
（合）相親相愛兩重情。

呂珊 - 平湖秋月
呂珊再閃星光夜演唱會 Rosanne In Starry Night Concert

張偉文 - 平湖秋月

麗莎 - 平湖秋月

廣東音樂：平湖秋月（高胡：宋飛）

鄭君綿 - 矇查查 (平湖秋月)

唉，我矇查查，
一睇見係有鬚，都當咗係阿爸，
我對住咖啡，都當咗係奶茶，
咬爛柴又當咗係雪茄，豬骨煙咀我都當象牙，
我為人唔化，完全唔認老，
老花鏡未曾戴，認真多鬼馬。
皆因我個情人話，佢憎死戴大眼卡，
佢唔願嫁，睇見覺肉麻，
唉我年齡達五張嘢架啦，
眼昏花，若果唔戴點睇得清楚架，
戴又心驚，激嬲胭脂馬將我罵，
話我人老多鬼馬，詐嬌好似大跳查查，
朦查查，雞擔卦，我又怕胭脂馬對我如同係柏青瓜，
一句唔知，唔准，唔化，
總之個陣我就要做牛做馬，郁啲多就四腳扒扒。

唉，我矇查查，
出街會撞老虎乸，佢切齒又咬牙，
一睇見我係拍拖梗摑甩個下扒，
實會擒住我就亂咁打，扭甩雙耳更烙我大牙，
亂發無情棒，打到我扒扒吓，
四孖嘅籐鞭，打親心驚怕咯，
激嬲老嘢要眠床下，打三幾晚地氣，
就會捱病叻，卒之就要食茶，
落我嚴刑，未變，心花，
呢，去走私，就要行險兼奸詐啦，
冤家，初相識胭脂馬，真聽我話，
越嚟越惡越加聲價，佢專抆甩我冚副假牙，
時時亂咁黎敲詐，為作錢專靠車更劃葫蘆指冬瓜，
難得，無牽，無掛，
點樣應付妾侍更收伏蠻婦，總之稔到我朦查查。

古箏 - 平湖秋月

麗莎 - 賀年
原曲：平湖秋月
作曲：呂文成

年年年，新春要盡歡慶團圓，
恭祝各位賺大錢，願你鴻運與天高，
工商各樣全，願你微微笑，
願你無愁怨，大家快樂同慶賀新年。

富貴從人願，新春納福，美景當前，
又見人人艷美，千萬喜氣，園裡花開遍。

香檳，千杯都不醉，飲到盡，
大眾同聲歌唱，唱歌歡笑賀新年，
行運長久遠，共親友拜年時你要開心。
良宵，同聲，齊唱，新春快樂氣象萬千，
男共女，高聲歌唱去賀年。

富貴從人願，新春納福，美景當前，
又見人人艷美，千萬喜氣，園裡花開遍。

香檳，千杯都不醉，飲到盡，
大眾同聲歌唱，唱歌歡笑賀新年，
行運長久遠，共親友拜年時你要開心。

良宵，同聲，齊唱，新春快樂氣象萬千，
男共女，高聲歌唱去賀年。