高魯泉之歌

高鲁泉 - 吉川博士 (1970)

我吉川博士，吉川博士，
若然恨靚立刻幫襯我包醫，
欲肥欲瘦加高一切實擔保搞妥，
我吉川手術樣樣伶俐。

你要漲卜卜咩? 你要細一啲咩?
你即刻搵我萬事容易。

碧姬巴鐸，真犀利，
真情係我吉川幫佢世界都知，
鼻樑若要高啲立刻搵我，
當呢啲手術實在閒事。

我最肯補哪割眼靚手工，
種生禿髮妙術奇異。

我吉川博士，多多本事，
豆皮鼻歪崩雞戚眼我識醫，
面麻面歪口崩塌眼鬈毛崩耳，
快搵吉川包你逐樣療治。

你要似 BB 咩 ? 你要似 CC 咩?
我吉川擔保你順利成事。

周吉、高魯泉、戴偉光 - 滾財神 (1969)
曲 : Rosendo Ruiz Jr / Stephen C. Foster

(吉) 確有趣，佢咁樣求財神，猛咁拜，燒香燭最無癮，
(泉) 最有趣，用金銀求財神，太過腎，咁樣最老襯，
(吉) 正豬嘜，不識得，理應問人，其實你，領教佢，實贏銀嘅，
你當衰，心驚青，驚揾你笨，財帛星君不稀罕你燒金銀。

(泉) 領教我，學點樣求財神，
(光) 救吓我，輸傷我無癮，
(泉) 我教你，實請倒靈財神，
(光) 你教我，必遵你教訓，
(泉) 教會你，就揾錢來還神，要孝敬，等師尊過吓癮，哈哈哈。

(泉) 財神大把水，使乜要，你燒的金銀呢，
財神恨賭仔，一朝一晚，將他攪攪震。
(吉) 啱叻，財神大把水，憎死你，香燭將佢燻，
財神係星君，必討厭，你燒陰司紙呃氹。
(泉) 你要出了哥，先先知佢心，財神係寡佬，
孤衿枕冷，用女仔將他氹。
(吉) 啱叻，財神冷清清，孤單一個，必應揾女人嘅，
財神實索嘢嘅，週身癮，一見女仔心興奮。
(泉) 靚女仔，邊個靚得過夢娜，佢最風騷，週身曲線令人暈，
呢佢一出馬，拋的生藕財神實會暈，擔保，你實勝不必震。

高魯泉 - 滿天神佛