打雀英雄傳

許冠傑 - 打雀英雄傳

作詞：許冠傑/黎彼得 |　作曲：劉傑

六嬸，三太公，大眾開啦面似蓮蓉，
又放工，打餐懵，圍埋砌幾圈呀論英雄，誰是大英雄。

落手，三隻東，度到啱都三叫二五六筒，
截正糊，真陰功，騰騰震，嬲到面呀面都紅。

上下家，搏哂懵，依牙鬆槓斬眉斬眼打籠通，
係咁鬆，正衰公，難為氹仔會浸呀浸蛟龍。

亂咁質，真勢兇，學到足關帝座鎮華容，
恨滿胸，裹蒸粽，嗡嗡貢，好似大呀大燈籠。

大相公，小相公，遇老千章法亂曬大籠，
食詐餬，包出沖，氹氹轉好似大呀大灰熊。

執左位，起個風，移燈換凳洗手食煙熨櫃桶，
轉吓運，確唔同，連隨喫幾舖我露呀露歡容。

混一色，碰七筒，一簡白板發財做眼槓紅中，
六八筒，叫卡窿，原來咁橋佢係呀係七筒。

掘尾籠，起勢攻，大四喜楂哂南北西東，
做牌，講天聰，頻頻滿餬我做呀做英雄，時勢做英雄。（大英雄）

許冠傑 - 打雀英雄傳 KTV