2010年10月13日 星期三

黃飛鴻 / 發開口夢 / 江邊草 (廣東音樂)

李健莨 - 黃飛鴻
調寄:廣東音樂-江邊草

仁智勇,又威風,廣東有位傑出俠士黃飛鴻,
除惡霸,甚威風,保安社會,大家信賴黃飛鴻。

鋤強,掃奸貪,功夫夠醒,大家讚譽黃飛鴻,
好多惡爺十分驟忌,黃飛鴻。

義重,義重,盡心對人義重,
最勇,最勇,殺匪破賊最勇,
俠名雄風,遠近又敬重,
廣東各省,十分仰慕黃飛鴻。

無影腿,仲威風,一出腳呢,大家畏懼黃飛鴻,
拳最快,像清風,一經過招,大家佩服,黃飛鴻。

垂危跌打傷,包醫到好,病者叩謝黃飛鴻,
賜福社會贈醫賜藥黃飛鴻。

做事,盡力,是非判明慎重,
博愛,濟眾,救苦救難濟眾,
俠名雄風,遠近又敬重,廣東各省十分仰慕黃飛鴻。

仁智勇,又威風,廣東有位傑出俠士黃飛鴻,
除惡霸,甚威風,保安社會,大家信賴黃飛鴻。

鋤強,掃奸貪,功夫夠醒,大家讚譽黃飛鴻,
好多惡爺十分驟忌,黃飛鴻。

義重,義重,盡心對人義重,
最勇,最勇,殺匪破賊最勇,
俠名雄風,遠近又敬重,
廣東各省,十分仰慕黃飛鴻,
廣東各省,十分仰慕黃飛鴻,
廣東各省,十分仰慕黃飛鴻。

廖志偉 - 發開口夢
作曲:何大傻 | 作詞:廖志偉

忙嗌碰食,出雙番東,四番滿貫,食出確係面寬容,
嗰陣贏到夠,就立即鬆,怕啲老友撞見,共我托水龍。

我連隨置西裝,手錶水筆戒指兩隻雷公銅,
嗰啲傍友立正向我喱尊崇。

我活動,夾運用,掉錢把風流賣弄,呢夠靚,就靠碰,
舞廳我就去貢,風頭更十足,嗰陣更活動,
結識一個伴侶叫做羅飄紅。

現在荷包裡,就煎燶,猛將啲錢亂吩,十足大花筒,
現在全無晒,個袋空空,要慳經濟,最好轉食紅金龍,
連隨當西裝,首飾戒指,件件金舖喱推熔,
上親當舖,鬧到我就面青紅。

惟有夜夜,做夢,實得兩皮受用,想富貴,就要買,
馬票我定快中,運紅就唔懵,咪論盡似舊夢,
馬票若中話,過以後唔使窮。

廣東音樂 - 江邊草

35 則留言:

  1. 郭炳堅 - 七個老婆
    www.youtube.com/watch?v=Kq4bFIQQng4

    回覆刪除
    回覆
    1. 七个老婆 - 粤剧美颜
      www.ixigua.com/6999941384341815811

      刪除
  2. 鄭君綿 鄧碧紅 - 利口福
    https://www.youtube.com/watch?v=LfAFuaJ0RQQ

    新馬師曾、俞明:《痛罵奸商》
    https://www.youtube.com/watch?v=4hIdyAkBla0

    郑君绵-豪华阔少
    www.youtube.com/watch?v=f2rC0EPcIj0

    賣花聲 - 鄭君綿
    http://www.tudou.com/listplay/31J5KoQVbqY/S2PJnBr4jnM.html

    回覆刪除
  3. 麥兜响噹噹 - 人細細mv
    https://www.youtube.com/watch?v=SXQRKPwmXl8

    回覆刪除
  4. 谭炳文 李香琴-伶星园游会
    www.youtube.com/watch?v=BTFxldUreeg#t=18

    回覆刪除
  5. 梁醒波、李香琴《扒手大王》粵語(1979年無線《歡樂滿東華》)
    男:佢哋跳牛仔舞 甚風騷
      我要四邊咁望嗰便有個靚girl
      佢名與姓 I don't know
      睇佢惹火到極滿身鑽石我貪圖
      隻肥羊咁有寶 佢咁鬼寂寞我有心靠度碰彩數
      細心賴厚叫聲女士跳part舞
    女:與你陌路陌路 夜總會相逢若陌路
      你好禮數 叫我跳舞呀 我今未暇跳舞
      因為等人等人 赴約會未到步
    男:我見好寂寞 有失約會還不到
    https://www.youtube.com/watch?v=5_Ed5vJ9de0

    回覆刪除
    回覆
    1. 本曲原唱是梁醒波、李寶瑩,收錄於約60年代《扒手大王》唱片

      刪除
  6. 任劍輝(反串男角)、白雪仙《早餐情歌》粵語,撰曲:潘一帆(1952年電影《為情顛倒》插曲)
    女:淋夾軟 整件蛋糕添啦 夠香夠滑 認真美味又香甜
    男:我唔客氣 食啲添 蛋糕會滯薄撐夠滑又爽甜
    女:鹹甜薄撐 煎到冇冇爛 較啱火路能香甜
    男:大件 大件 淥親個嘴唇受賤
    女:喂咪怨 咪怨 鬼叫你為食夾百厭
    男:但求但求嬌 方便望方便 最好錫番我半啖至能心甜
    https://www.youtube.com/watch?v=oRFqyURmHvg

    回覆刪除
  7. 尹光《傳呼機》粵語(1981年《尹光金曲》大碟)
    傳呼機即係CALL機 帶咗有款係威態度塵幾皮
    我陳老四做經紀 有咗副機入息增加唔駛伙記
    電腦記憶 有CALL我機電話通通有登記
    有生意斟 立即落訂唔出奇
    便利 便利 做生意求便利
    有理 冇理 有生意就覆機
    做人係投機 發達靠CALL機
    有咗副機 又舒服 係人都肥
    人企理 用CALL機 去親舞廳冒充我係陳經理
    人索氣 掉咗CALL機 最慘債主日頭半夜猛CALL你
    吟噚到死 有啲舞女亂CALL確係唔通氣
    有咗副機仲衰確令人激氣
    棹忌 棹忌 靜靜去澳門嚟暫避
    索氣 翳氣 有生意亦難理
    實行做臨記 費事要CALL機
    結果副機賣咗以後唔谷氣
    https://www.youtube.com/watch?v=G5pqw0_eDic

    回覆刪除
  8. 陳玲玉《歡聚》第二段(1:03-2:02),粵語,填詞:陳錦榮(2010年《夜月琵琶》專輯)
    來敬你 共傾杯 美酒泛香樂聚齊品嚐
    來敬你 共傾杯 美酒再斟滿載情深長
    豪情在四方 敬祝你的事業龍飛翔
    新的發展邁步眉飛揚
    共道 熱望 夜空飄浮熱浪
    繽紛 燈色 襯得今夜更輝光
    友人共攜手不斷飛越 駕舟泛海踏浪乘風翔
    駕舟泛海踏浪乘風翔
    http://www.tudou.com/programs/view/fHAaEx2D_B4

    回覆刪除
  9. 尹光《霹靂無敵334》第二段,粵語,填詞:鄧彼得(2010年單曲)
    乜你人細細就學偷睇 有乜法子冇科合格唔出奇
    你唔發奮 樂極生悲 最驚阿仔拍拖顧住求戀期
    平時你愛打機 最驚阿仔拍拖顧住求戀期
    https://www.youtube.com/watch?v=JCtuCpUat9U

    回覆刪除
  10. 鄧寄塵、鄭幗寶、天涯《兩傻早操》第一段,粵語(1961年電影《傻人發達記》插曲,同年收錄於《傻人發達記》原聲碟)
    男:我牙擦過 又吸煙 咖啡冇歡個心X極唔得甜
    唔夠瞓 就囉攣 個袋咁浪冇錢試問誰可憐
    我無謂阿福 到底冇福眼睛擘大常失眠
    我阿得覺得父子我亦常失眠
    命賤 命賤 女:你哋為乜要提命賤
    男:冇變 冇變 女:阿福咪話冇變
      做人學嚟拖 努力又努力
      阿福有錢有包食你毋多言
    https://www.youtube.com/watch?v=RXUf27ooSN4

    回覆刪除
  11. 新馬師曾、夏萍,粵語(1964年電影《刮龍世界》插曲)
    男:捱世界 要學精乖 最緊要搵兩餐搏命來死捱
    女:你捱世界 雖係甚精乖 我驚你體魄咁瘦弱唔襟捱
    男:完全你睇差 呢兜鋼條甚好氣力殊襟捱
      我擔得百斤托得百磅時時擔柴
      力大 女:你力大 男:並非亂拋你浪頭自大
    女:咪見怪 男:冇計 女:我講說話過太
      你若然係捱得 你就快啲賣 呢間舖頭希望我哋來消埋
    https://www.youtube.com/watch?v=SgLDG7NpDLQ
    (2:33-3:18)

    回覆刪除
  12. 新馬師曾、鄧寄塵、鄭碧影,粵語,撰曲:吳一嘯(1961年電影《傻人發達記》插曲13:51-14:49)
    新:牙擦過 又吸煙 咖啡冇杯個心淡極唔得甜
    鄧:唔夠瞓 就囉攣 個袋咁旱冇錢試問誰可憐
    新:我名為叫做何福 到底冇福眼睛擘大常失眠
    鄧:阿德冇得故此我亦常失眠
      命賤 命賤 鄭:為乜要提命賤
    新:冇變 冇變 鄭:阿福咪話冇變
      做人莫頹喪 努力復努力
      有屋有車有衣有食人安然
    https://www.youtube.com/watch?v=d17mqU9UMmA

    梁醒波、鄭幗寶《哪喳和尚戲觀音》頭段(9:08-10:08),粵語,撰曲:羅寶生(梁醒波、鄭幗寶《哪喳和尚戲觀音》專輯)
    女:你真係傻夾腎 喺庶扮天真 你有乜八寶點對未來夫人
    男:我藏嬌妻 在金屋 七妹八媽用心侍奉陪夫人
      豪華陳設摩登 你首飾戴的是鑽石玉和金銀
      汽車有幾部出入又唔使你行
      幸運 幸運 你做咗我老婆幸運
      開心 開心 你一世定開心
      玉郎是情深 愛重又煙靭 一生我保證妹快樂如仙人
    https://www.youtube.com/watch?v=hpBKz9wPNtc

    李燕萍《通天曉(上)》頭段(2:49-3:46),粵語(張月兒、李燕萍《通天曉(上)》專輯)
    我忙裏噴 是機身 幾經想叫住心聖上難起行
    睇佢時與報 擇婚姻 今天必要抽空寫上暈一暈
    成全繼女 指腹婚配定必有辱寧可能
    舊日 熟絡 要問卜化X擇近
    拜託 作信 佢偏快儉發憤
    不如實同佢 志願望接近 阿須愛女亦因由佢誠心人
    https://www.youtube.com/watch?v=p2bNaRCpeRk

    回覆刪除
  13. 鄭君綿、譚蘭卿、呂劍光、賀蘭《普天同慶》粵語,撰曲:李願聞、龐秋華(1962年3月電影《新夜光杯》插曲1:33:21-1:34:14)
    呂:同快慰 結合一雙
      永息戰爭大家敬重毋相忘
    賀:同誌慶 復得夜光杯
      救番我等國家有幸重興強
    鄭:尋回了仙杯
      有驚冇險未枉我哋捱一場
    譚:喜歸國邦大家暢敘同一堂
    呂:但願 合力 造福蔭民是尚
    賀:博愛 建設 與君決定志向
    合:定然獲成功努力共向上
      振興國邦更祝我哋情深長
    [重唱末行]
    https://www.youtube.com/watch?v=unATd0ZLVtY

    回覆刪除
  14. 大合唱《八仙賀壽》粵語,撰曲:吳一嘯(1957年5月電影《八仙鬧江南》片尾曲1:18:49)
    齊敬禮 賀仙翁 有衣有錦慶祝你壽如天堂
    齊敬禮 賀仙翁 有花有火慶祝永住南山堂
    齊齊敬一杯 有衣有錦慶祝你壽如天堂
    有花有火慶祝永住南山堂
    賀壽 賀壽 善普更宜善道
    獻送 獻送 有酒有肉獻送
    又來共瓊杯慶賀再慶賀 眾仙醉酒醉得滿臉桃花紅
    https://www.youtube.com/watch?v=5ynUToy8iJc

    回覆刪除
  15. 梁醒波《釣魚郎》中段(19:21-20:15),粵語,撰曲:唐滌生(約五六十年代)
    佢人趣致 又多姿 纖纖柳腰十足似個紅撈時(rose)
    睇佢唇細細 若施朱 最好兩家共相對住嚟kiss
    睇佢柔情似藕絲 兩家拍拖互相愛慕唔分離
    (唉吔,呢趟我夠晒艷福喇)
    我艷遇 艷遇 幸喜冇人𥄫住
    佢確靚 更俏 我真快樂滿意
    絕唔用銀紙 碰着我最易 拍拖去歸大家羨慕何相宜
    https://www.youtube.com/watch?v=kpLUMdF9HnM

    回覆刪除
  16. 梁醒波、歐陽儉,粵語,撰曲:梁山人(1962年12月電影《危巢小鳳》插曲23:18-24:08)
    梁:我人夠靚 貌標青 點解結識女仔對親八字都唔得成
    歐:我唔信鏡 你係花靚 有錢有面斷估冇話唔得成
    梁:你時常認夠精 混身計仔搭親嘅路都唔鬼靈
    歐:我並非拗頸要包你定能執贏
    梁:快啲落訂 落訂 若果再遲我就病
    歐:佢夠靚 夠正 有錢你就要猛掟
    梁:若然係成冇撻訂 我啲闊佬散千百萬都唔貪平
    https://www.youtube.com/watch?v=K2fjqAjODAg

    回覆刪除
  17. 半日安,粵語,撰曲:龐秋華(1961年2月電影《小紅娘》插曲6:02-6:46)
    我唔信鏡 就扮花靚 袋中有錢怕乜老邁尤多情
    追求少女 我極心精 新花領呔服裝置備全新型
    時髦夠派 朝朝剃鬚扮番少嫩才執贏
    我面貌 白淨 用錢素來亂揈
    話我老 確掃興 我最喜接近女性
    日前共梁翁 秘密互約定 今天拜訪立心卻為求娉婷
    https://www.youtube.com/watch?v=y-NDtVGyr1I

    回覆刪除
  18. 鄧碧雲,粵語,撰曲:羅保生(羅寶生)、潘一帆(1956年10月電影《荒唐鏡三氣胭脂馬》插曲11:40-12:37)
    嗰啲孱書生 佢面青青 正式病夫冚個面時常都黃
    佢仲牙擦擦 正式壞鬼書生 咁都夠膽認叻確係人荒唐
    抵個秦皇對書生 佢火燒四書五經確令人心涼
    咁就絕望 絕望 掘咗個坑成十丈
    將啲書生 生葬 書生冇力對抗
    任人哋嚟劏 眼白白葬坑 講乜嘢叻仲搞到學人稱強
    https://www.youtube.com/watch?v=Mqno6p2yaWc

    回覆刪除
    回覆
    1. 荒唐鏡三氣胭脂馬 (1956) (上集)
      www.youtube.com/watch?v=A0wX_t3T9ZM

      刪除
  19. 夜明珠,粵語,撰曲:吳一嘯(1957年3月電影《荒唐鏡五鬥陳夢吉》插曲1:11:21-1:12:02)
    盲ka ka 夜媽媽 冇燈冇火XXXX你都怕
    嚟坐吓 夜媽媽 指天着地揈呀揈逢鬼馬
    指天着地揈呀揈逢鬼馬
    上下 上下 在公逢眉上下
    遠吓 近吓 XXXXXX
    指天着地揈呀揈逢鬼馬
    https://www.youtube.com/watch?v=k1QAhVuOYRk


    新馬師曾、鄧碧雲,粵語,撰曲:羅寶生(1959年9月電影《王先生招親》插曲42:07-42:54)
    女:有個陳四少 對我極心堅 認真靚仔又好心事人青年
      佢嚟約我 去逛公司 有心送啲大禮物來相獻
    男:從來啲臭花靚 竹織鴨兼白霍立亂來開言
      好多阿飛靠女人呀來生存
      下賤 女:下賤 你咪立亂當人下賤
      你想點 男:冇想點 我見得到就要勸
      我認為有危險 以社會嘅經驗
      應該撇開阿飛佢哋來糾纏
    https://www.youtube.com/watch?v=qnAvfTu86TQ

    回覆刪除
  20. 新馬師曾,粵語(1952年8月電影《大話夾好彩》插曲1:11:05-1:11:20)
    老襯 剃損塊面仲老襯
    失魂 認真笨
    隻手咁賤剃損塊面何失魂
    https://www.youtube.com/watch?v=OJTYZ0RdRek

    回覆刪除
  21. 任劍輝,粵語,撰曲:潘一帆(1957年4月電影《宮主刁蠻駙馬驕》插曲27:54-28:50)
    蒙約見 論婚姻 半驚半喜心急到極尋佳人
    佢人夠靚 我愛佢又天真 怕乜佢囂要她就範成為好人
    何妨娶她 怕乜佢縱壞有方教導佢唔扭紋
    這般美麗愛她智慧成鴛盟
    蜜運 我蜜運 決心與佳人蜜運
    興奮 興奮 我心暗自興奮
    此來此來赴約會共見面 愛她智慧決心說服談鴛盟
    https://www.youtube.com/watch?v=c7DOrgt4rc4

    回覆刪除
  22. 廖志偉、伍木蘭《從心所欲》第二段(1:09-2:16),粵語,撰曲:潘一帆(60年代鄧寄塵、廖志偉、伍木蘭《阿福賣花/從心所欲》唱片)
    女:我搽到靚 去會打令 花蔭柳底兩家約定談心情
      佢人俊美 我亦姿整 我今見君寸心縷亂郎不明
      佢時常話會應傾 我心暗認對他愛慕殊癡情
      佢真細心我將佢夠郎真情
      我淡定 淡定 例因我兩人默認
      愛敬 愛敬 與君邂逅愛敬
      姻緣姻緣實注定實注定 我今見君寸心縷亂郎多情
    https://www.youtube.com/watch?v=U9IDNxKHAIM
    (2:44-3:51)

    回覆刪除
  23. 黃俊英 粵語相聲 1234567
    www.youtube.com/watch?v=mzmGeDfz_dg

    回覆刪除
  24. 柴米夫妻 第五首 陳錦棠
    12:54-14:45 in
    柴米夫妻 - 陳錦棠, 鄭錦昌, 尤金
    www.youtube.com/watch?v=iFk36Qp1SIU

    回覆刪除
  25. 張太 娛樂昇平(江邊草)
    www.youtube.com/watch?v=Xcr9wWD-MEM
    人最要 學輕鬆 雪茄咬起面口碓實唔鬼同
    牙刷刷 面燶燶 笑口擘開有名叫做蓮子蓉
    使乜時時似苦瓜 開心最好靚女抱住蓬測蓬
    要活動 要活動 面口對人要活動
    我腳凍 我腳凍 晚間最弊會腳凍
    實行學求愛老就會冇用 心中有朵十分燦爛桃花紅

    回覆刪除
  26. 欢聚 第二段 - 陈玲玉
    1:04-1:57 in
    粤曲小调《欢聚》:陈玲玉演唱
    https://tv.sohu.com/v/dXMvMzM4NDQ5OTc2LzE5NTgwNzc4MC5zaHRtbA==.html

    回覆刪除

  27. 《江邊草》廣東音樂,作曲:何大傻(1952年《江邊草/小紅燈》唱片#80059)


    梁無相、鄭碧影、鄭惠森《做粉果》前半首,粵語,撰曲:羅寶生(1954年2月電影《人望高處》插曲2:50-3:44)
    影:寧舍啃 造粉果 我三個公大眾拍硬憑精神
    梁:埋晒架 就開心 我啲貨式認真美味濃香勻
    影:全憑有哥哥 呢間舖頭旺到確係殊驚人
    森:你認真有啲辣椒確值人沙塵
      我又鈍 影:你又笨 你做一世人混沌
      你啃 都係你啃 我真佩服你啃
    梁:做人甚留心 各樣又好問 舖頭更兼落啲正料唔呃人
    (後半首歌詞從略)


    鄭君綿《賣花聲》粵語,填詞:吳一嘯(1958年李銳祖、鄭君綿《珠聯璧會/賣花聲》細碟)
    好靚玫瑰花 夜香花 素馨牡丹茉莉白玉蘭都齊
    仲有含笑花 玉簪花 你想插花插枝芍藥唔多曳
    成籃靚花 你想買乜嘢花你就行開嚟
    你想買乜嘢花你就行開嚟
    嘩艷麗 艷麗 想扮得個老婆艷麗
    就買喇喂 好買喇喂 靚花襯住靚髻
    白蘭共玫瑰 美麗鬥美麗  素馨牡丹茉莉白玉蘭都齊
    [全曲重唱一次]


    鄭君綿、鄧碧紅《利口福》粵語,填詞:胡文森(1961年鄭君綿、崔妙芝、鄧碧紅《跳喳喳/利口福》細碟)
    (對白)
    女:喂,阿兒科大少呀,今日咩嘢風吹你嚟幫襯呀
    男:嘻嘻,今日啱啱得閒,特自嚟探你,順便呢想點番幾個菜食唧
    女:哦,咁你想點乜嘢菜呀
    (對唱)
    男:有冇皮靚菜 肥大騸雞 我想喫餐任你介紹隨便拈嚟
    女:有味回菜客 有啲白斬雞 菜式至新白鴿發燉黃拱蹄
    男:就算皮兒你請我喫餐 菜金免收任喫我亦嫌粗曳
    女:你俾少個崩白搭你就唔使嚟
    男:實惠 要講實惠 第一要求實惠
    女:正嘢呀 正嘢呀 我慌你又怕貴
    男:我絕唔論平貴 軟飯仲開胃 最好你煲食過第日我尋番嚟
    (對白)
    女:哼,理得你開胃呀,你想食我嘅軟飯呀,你想死仲容易過呀
    男:嘻嘻,咁你誤會啫,我不過話你親手煲呢,仲好食,咁解咋嘛
    女:哦,好吖,你想食正嘢咩
    男:當然啦
    女:等我介紹啲正嘢俾你吖嗱
    男:好呃,唔該你快啲介紹吖嗱
    女:嗱,咁你留心聽住喇喎
    男:嗱,我而家聽緊咯噃
    女:嗱,聽住呀吓
    男:聽緊嘞,講啦
    (對唱)
    女:完全免費 請你食一餐 掃家俗親壽酒壽飯連沙泥
    男:我唔要免費 我有大把老西 菜式要新任你指定冇乜問題
    女:馳名翠香 咁好食番食過咪話嫌粗曳
    男:好啦至緊瀨過兩滴油至拈嚟
    女:盛惠 盛惠 磅水嗎既蒙盛惠
    男:冇計嘅 冇計嘅 菜式正合我冇計
    女:若然係紅底 有剩就我袋 男:美金照補絕對冇問題我拈出嚟


    新馬師曾、俞明,粵語,撰曲:羅寶生(1967年3月電影《新馬仔拍拖被辱》插曲1:13:36-1:14:24)
    新:呢個財主佬 立乖心 做生意專靠滾博亂嚟呃人
      將啲平價米 溝落上等粘 認真夠奸又抵折墮人沙塵
      佢為人更滋陰 天光到黑冇一陣佢唔使人
      一啲錯咗動不動就辭工人
      我幸運 俞:我都幸運 新:我份工已辭幸運
      喂老友 咪領嘢 你幫佢做就聽炒粉囉
      佢待人用狼心 確係可恨 你打佢工做一日實行扯人


    鄭君綿《豪華闊少》粵語(1968年《鄭君綿之歌》大碟)
    人富貴 就輕鬆 老西著起份外漂亮唔鬼同
    有陣牙擦擦 有陣面燶燶 嗰啲馬仔見親個面黃青紅
    *我來回都汽車 汽車快得十足似係條水龍
    去親舞廳女人抱住蓬測蓬
    我日夜 咁活動 揈錢去求受用
    我最怕 隻腳凍 派親藕就進貢
    做人係錢紙唧 想嗰樣就嗰樣 笑口掰開笑得確係蓮子蓉*
    [全曲重唱一次,再重唱*]
    https://www.youtube.com/watch?v=8i6mTI5y0JE
    (據http://blog.chinaunix.net/uid-20375883-id-3149437.html,50年代鄭君綿、馬仔另有合唱同名曲,吳一嘯填詞,未知是否和本曲同詞)
    (郭炳堅亦番唱本曲,收錄於1997年《粵語名曲精選2》大碟)


    陳良忠《陳良忠懷舊精選:睇下相》第五首,粵語


    譚炳文、李香琴《伶星園遊會》粵語,填詞:羅寶生(1973年譚炳文、李香琴《股票經/功夫》合輯)
    (對白)
    男:喂喂喂喂喂,睇嘢呀睇嘢呀,好多大老倌大明星喺度呀
    女:呀係呀係呀,仲有大歌星大導演添噃
    (對唱)
    女:嗱嗱梁醒波 伴芳芳 張沖李菁共姜大衛何莉莉
    男:喂林家聲 會甄珍 小咪俊叔葉楓白璐唐寶雲
    女:俞明 新馬師曾 任姐雪仙四位戲弄譚炳文
    男:周吉駱恭大軍閥共胡燕妮
      范麗 李麗麗 伴張美瑤孟莉
    女:金菲 貝蒂 李湘李雁李敏
    男:狄龍撞王羽 井莉萬沙浪 羽佳素秋共沈殿霞李香琴
    (對白)
    男:唏,過嗰便睇吓囉
    女:好呀
    男:呀,咦喂喂喂,嗰個咁熟面口係邊個嚟架
    女:咁你都唔認得呀
    男:邊個呀
    (對唱)
    女:陳寶珠 共曾江 呢芳艷芬白燕望住韓湘琴
    男:啊馮寶寶 會江彬 張瑛李清白光夏夢吳楚帆
    女:楊群嚇蘇青 青山與丁倩捉住楊小萍
    男:金晶碰啱白鷹拍住胡金銓
    合:熱鬧 熱鬧 男:鄧麗君李亞萍江青
    女:鄭佩佩呀 靚次伯呀 男:李英拍硬阿歐威
    女:謝賢伴尤雅 張翼白景瑞 男:阿張帝想共阿葉麗儀搲痕
    (對白)
    女:你眼花咩,人哋拖住隻手咋
    男:哦


    梁天《花花公子》粵語,填詞:羅寶生(1975年《扭計祖宗陳夢吉》電影原聲大碟及《老夫子》電影原聲大碟)
    人闊綽 就威風 老子有錢花花公子唔憂窮
    人夠照 就輕鬆 擔支雪茄伴侶每日唔相同
    豪華靚跑車 款式最新電動還開蓬
    好多靚女賣生藕為求捧紅
    亂揈 亂揈 亂將愛情玩弄
    闊少 意到 靚女佢就進貢
    玉人共醇酒 要盡量享用 老子有錢花花公子唔憂窮

    遊世界 仲威風 老子有錢花花公子唔憂窮
    隨處貢 又輕鬆 好多靚女撞啱我就蓮子蓉
    陪埋去night club 認真刺激大家抱住蓬測蓬測蓬
    識啲靚女有黑有白唔相同
    活動 活動 換得美人入夢
    闊少 看中 翠玉鑽石猛送
    玉人共醇酒 快活易過日 老子有錢花花公子唔憂窮


    陳錦棠《柴米夫妻》第五首(12:55-14:45),粵語(約70年代中期鄭錦昌、尤金、陳錦棠《柴米夫妻》唱片劇CTLP-1064)
    *我人架勢 仲聲威 想借錢冇俾利息你就唔使嚟
    人富貴 娶咗大把嬌妻 每朝為咗淑珍我就人癡迷
    我時時靠翳 一見到淑珍個樣我就牙都噬
    死追猛翳實在確係人dup嚟
    佢艷麗 佢艷麗 我為追美人願下跪
    我富貴 更架勢 阿珍佢實中計
    若然話唔制 佢注定係會弊 老公冇錢入院睇病人曉危*
    (中段獨白從略)
    [重唱*]


    郭炳堅《七個老婆》粵語(1978年《七個老婆》大碟GL-823)
    我人架勢 有大把嬌妻 阿英阿珍阿玉正話荷蘭番嚟
    阿四人最曳 阿五住宋溪威(Sungai Way) 見親阿六阿七我就牙都噬
    搞到時常要喫草歸 一三五七二四六老婆等齊
    愛妻咁多令我快樂洪福享齊
    最驚范麗 李麗麗 若果去遲就下跪
    阿嬌貝蒂 阿玉最細 佢詐嬌我咋閉翳
    老婆係皇帝 要跪咋要跪 阿英阿珍冇錢佢話唔好番嚟
    [全曲重唱一次]


    黃俊英《粵語相聲》部份(5:24-6:27),粵語(網上《黃俊英粵語相聲全集》#24)
    常閉翳 寸生大把仔 阿堅阿威阿福正話行街番嚟
    阿四人最曳 阿五又趷跛跛 嗰邊阿六阿七佢哋牙都未出齊
    仲時常唔聽指揮(唔使數喇) 一三五七二四六難等齊
    結婚猛生係想日後洪福享齊
    點知實在 確係弊 論起上嚟仲弊
    認真閉翳 認真閉翳 班馬騮仔掛住喫米
    越捱越窮困 要顧掂個米櫃 創初猛生而家知錯唔好提
    (本曲歌詞有郭炳堅《七個老婆》的影子)


    馮國東《人細細》粵語,填詞:謝立文(2009年8月電影《麥兜響噹噹》插曲)
    喂你人細細 食粉腸 有乜辦法食到你話唔疴孱
    你連隨仲喫隻蕉添 你咁食法食到你實行疴孱
    喂你人細細 就食西餅 有乜辦法食到你話唔疴孱
    你連隨仲喫個撻 唉你咁食法食到你實行疴孱
    噔噔噔噔噔噔噔噔噔噔噔

    回覆刪除
  28. 作者已經移除這則留言。

    回覆刪除
  29. 作者已經移除這則留言。

    回覆刪除
  30. 教禮添裝(歌剧玫瑰玫瑰我爱你歌曲3)
    6:38-8:28 in
    玫瑰玫瑰我爱你 (一)
    www.youtube.com/watch?v=Ym9JF-kfuo8

    回覆刪除
    回覆
    1. 鄭君綿、梅欣《教禮添裝》粵語,填詞:胡文森(1963年白英、鄭君綿、梅欣《玫瑰玫瑰我爱你》唱片劇S-MOCE 306)
      鄭:行要正 你咪學操兵 扭腰䟴身步細要學埋身形
      梅:凡對應 要學吓低聲 似足戲班艷旦唱造連表情
      鄭:容顏放寬 秋波送出仲要默默含深情
      梅:要識唱歌學吓舞蹈求速成
      鄭:淡定 梅:淡定 鄭:第一對人淡定
      梅:禮敬 鄭:禮敬 梅:女仔要學禮敬
      鄭:待人論環境 梅:應付要鎮靜 鄭:見識要多動作要學埋七成

      梅:儀態美 仲要學摩登 著番靚裝便似美麗神仙人
      鄭:鞋要靚 二寸高踭 款擺柳腰擰吓確令人銷魂
      梅:狐裘反穿 四千美金論起價值殊驚人
      鄭:靚英國絨二百五鎊連衫裙
      梅:奉贈 鄭:奉贈 梅:重金買嚟奉贈
      鄭:試襯 梅:試襯 鄭:看起確係試襯
      合:玉人贈紅粉 美麗上美麗 靚裝靚女越覺美麗如天人

      刪除
  31. 银剑影 鿄素琴合唱《鬼马红娘》頭段
    www.youtube.com/watch?v=k5IY0LJUJBQ

    回覆刪除